Banda de Valga

II Curso de Percusión

Os vindeiros días 23, 24 e 25 de xuño terá lugar no Auditorio Municipal de Valga o II Curso de Percusión, impartido polo solista internacional Conrado Moya (ver información na súa web www.conradomoya.com) para a especialidade de Marimba e Multipercusión, e por Javier Eguillor timbal solista da Orquestra de Valencia (ver información na seguinte Web de Rivera Música ou na canle youtube) para a especialidad de Timbal.

 

Ambos os dous mestres compartirán, cos alumnos asistentes, os seus coñecementos durante as clases, as cales se distribuirán do seguinte xeito:

 

                        •Martes 23: clases de 10:00 a 14:00 e de 16:00 a 20:00

                        •Mércores 24: clases de 10:00 a 14:00 e de 16:00 a 20:00

                        •Xoves 25: clases de 10:00 a 14:00 e de 16:00 a 20:00

 

Xunto coas clases e como actividade derivada deste curso, tamén poderemos disfrutar dos seguintes eventos:

 

Martes 23, concerto do ciclo Música coas nosas Bandas, Conrado Moya e a Banda de Música Municipal de Valga (baixo a dirección de Manuel Villar Touceda) interpretarán o Concerto para percusión de Joseph Schwantner ás 21:00

Mércores 24, concerto de Javier Eguillor titulado Banda Deseñada e Timbais ás 21:00

                        •Xoves 25, concerto dos alumnos asistentes ao curso ás 21:00

 

O curso admite alumnos en dúas modalidades e ten o seguinte prezo para cada unha: alumnos activos 60 euros e alumnos ointes 20 euros. A prazas son limitadas.

 

Para máis información bótalle un ollo ao cartaz ou descarga aqui a folla de inscrición. Tamén atoparás información na web www.bandadevalga.es na sección cursos ou no correo electrónico esmudevalga@gmail.com