Banda de Valga

I Curso de Pedagoxía Tomás Rábanos

Os vindeiros días 6, 7, 8 e 9 de xullo terá lugar no Auditorio Municipal de Valga o I Curso de Pedagoxía Tomás Rábanos.

 

Tomás Rábanos Muro iniciou os seus estudos musicais en Las Palmas de Gran Canaria para continualos despois nos conservatorios de Logroño e Santiago de Compostela. Formouse na Pedagoxía Musical a través de varias metodoloxías: Dalcroce, Kodaly, etc para especializarse na metodoloxía Willems con estudos en Madrid e París.

 

Tomás foi pioneiro na Iniciacion Musical para nenos (3 anos) en Galicia e xa dende o 1988 comezou a súa actividade docente en varias escolas e como docente de cursos para a formación de mestres organizados por CEFOCOP e ASPG, acumulando coñecementos e experiencias que no 1998 cristalizaron na súa propia Metodoloxía e na dirección da Escola das Artes en Brión.

 

Tomás Rábanos imparte: Iniciación Musical (3-7 anos), linguaxe musical a nenos (7 anos en adiante) e a adultos, curos de Pedagoxía Musical a estudantes de Maxisterio, Dirección de Orquestra Orff (nenos de 7-13 anos), Dirección de Coros Infantís, Traballo con familias e bebés (0-2 anos) e Musicoterapia con alumnos de distintos tipos de Discapacidade. Tamén participa como docente en clases dirixidas a nenos de 5 a 8 anos de Altas Capacidades na Facultade de Psicoloxía da Universidade de Santiago de Compostela.

 

As clases de 9:30 a 13:30 e de 16:00 a 19:00 distribuiranse nos seguintes bloques e contidos teóricos e prácticos:

 

-Luns 6 de xullo, a música e o bebé:

O despertar da música.

Manipulación, exploración.

O mundo sonoro.

Os sentidos.

Xogos, cancións e materiais de 0 a 3 anos.

Sesión práctica cos bebés e nais/pais.

 

-Martes 7 de xullo, iniciación musical de 3 a 6 anos:

Desenrolo auditivo e rítmico.

O conto musical.

As emocións.

O xogo e os elementos básicos da música.

A expresión.

Sesión práctica cos nenos.

 

-Mércores 8 de xullo, a linguaxe musical de 6 a 12 anos:

Oido interno.

As calidades do son.

Música e linguaxe.

Grafías do son.

A improvisación.

Sesión práctica cos rapaces.

 

-Xoves 9 de xullo, música e educación especial:

As manifestacións sensibles.

A estimulación do ser humano física e psiquicamente.

A creatividade e a autoestima.

Acción e manipulación.

A comunicación na música.

Sesión práctica.

 

O prezo da matrícula é 120 euros. Prazas limitadas

 

Para máis información bótalle un ollo ao cartaz ou descarga aqui a folla de inscrición. Tamén atoparás información na web www.bandadevalga.es na sección cursos ou no correo electrónico esmudevalga@gmail.com