Concerto extraordinario Música coas nosas bandas, Bandas valencianas e Banda de Valga

A Asociación Cultural Musival e a Banda de Música Municipal de Valga, en colaboración con outras entidades como o Concello de Valga, organizan un concerto a cargo da Xoven Banda de Valga, a AM Santa Cecilia de Domeño, UM de Losa del Obispo e o CIM de Xirivella (estas tres de forma conxunta), xunto coa Banda de Música Municipal de Valga o vindeiro domingo 21 de agosto ás 20:00 h no Auditorio Municipal de Valga (Ferreirós-Cordeiro).

Coa celebración deste concerto prolóngase de forma extrarodinaria o Ciclo Música coas Nosas Bandas que con notable éxito, a tenor dos asistentes e participantes, subiu ás táboas valguesas a numerosas Bandas de Música Populares galegas.

Nesta ocasión contamos coa presenza dun notable número de músicos valencianos, uns 80, que visitarán Valga, as Rías Baixas e outros lugares de Galicia entre os días 19 a 24 de agosto.

O concerto comezará coa actuación da Xoven Banda de Valga,  a cal, baixo a dirección de Pedro Torres Diz nos ofrecerá unha pequena selección dos temas traballados ao longo do curso.

Máis tarde, subirán ao escenario os músicos das tres agrupacións valencianas convidadas: Agrupación Musical Santa Cecilia de Domeño, Unión Musical Losa del Obispo e Centro Instructivo Musical de Xirivella, as cales, e de forma conxunta, nos ofrecerán un variado repertorio con sabor a mar, a fallas e a horta valenciana. Estas agrupacións estarán baixo a batuta dos seus directores titulares, José Cava e Fernando Rodrigo (director das dúas últimas bandas mencionadas).

A continuación, actuará a Banda de Música Municipal de Valga dirixida por Manuel Villar Touceda e pecharase o concerto coa interpretación conxunta dun par de temas a cargo das bandas valencianas e da agrupación valguesa.

O programa será o seguinte:

Xoven Banda de Música de Valga, director Pedro Torres Diz:

-Angrois (pd) de Xosé Carlos Seráns.

-Primeira Suite de Gustav Holst

-Muiñeira dos Pendellos de Juan Lois Diéguez.

AM Santa Cecilia de Domeño, UM de Losa del Obispo e CIM de Xirivella:

1ª parte, director José Cava Pamblanco

-El fallero de José Serrano

-El Nostre de José María Ferrero

-Valencia de Santiago Lope.

-L'Entrà de la Murta de Salvador Giner

-Rapsodia Valenciana de Manuel Penella

2ª parte, director Fernando Rodrigo Serral

-Tercio de Quites de Rafael Taléns

-C.I.M. De Jorge Lis

-Chimo de José María Ferrero

-Clarinera Mayor de Juan Vicente Mas Quiles

-Valencia de José Padilla

Banda de Música Municipal de Valga, director Manuel Villar Touceda:

-Aires de Pontevedra (pd) de Adonis Ferreiro

-Alborada Galega de Pascual Veiga

-Fantasía Rianxeira de Xosé Carlos Seráns

-Para Vigo me voy de Ernesto Lecuona

Este concerto será de entrada libre e gratuita. Agradecemos a súa asistencia e toda a difusión que lle poidan dar a este evento.

O ciclo Música coas nosas Bandas continuará cunha nova edición xa nas súas datas habituais nos meses de outono.

Pd. a Banda de Música Municipal de Valga tamén participará o próximo sábado 20 de agosto no XIX Festival de Bandas de Música de Cambre.