Banda de Valga

Concerto XXI CAMPAMENTO MUSICAL 2020 (Galipark - Padrón)

 

O sábado 8 de agosto ás 21:30, nas instalacións do Galipark de Padrón onde se desenvolveu o XXI Campamento Musical de Verán da Escola de Música Municipal de Valga, terá lugar o concerto de peche deste campamento. Intervirán a Orquestra de Cámara da Escola de Música, os solistas máis pequenos e a Banda de Música Municipal de Valga, dirixidos por Carmen Gallego, Manuel Villar e Diego Fortes.

Coma xa fai 21 anos, o Campamento de Verán da Escola de Música Municipal de Valga serve para estarmos xuntos unha intensa semana de ensaios e tamén de diversión. Xa estamos a traballar no XXII Campamento que terá lugar o vindeiro ano 2021 en Valencia, onde estaremos tamén competindo no Certame Internacional de Bandas de Música desta cidade.